Våre tenester
Me tilbyr rådgjeving, opplæring, testfasilitetar og nettverk for utvikling og automatisering av produksjonsprosessar ved hjelp av avansert robotteknologi.
Tenestene er retta mot både oppstartsselskap, små og mellomstore bedrifter (SMB) og større bedrifter, samt mot utdanningsinstitusjonar, forskingsinstitusjonar, innovasjonsselskap, næringsforeiningar og klynger.
Rådgjeving
Få hjelp til analyse, kompetansekartlegging, prosessdesign og anskaffing med sikte på effektivisering av produksjonsprosessar.
Kompetanseheving
Delta på kurs eller få bedriftsspesifikk opplæring innan bruk av robotteknologi i vareproduserande industri.
Testsenter
Få hjelp til prototyping og bruk våre testfasilitetar til å teste robotløysingar i produksjonsprosessar før anskaffing. Vi kallar det "test before invest".
Kompetansenettverk
Bli med i vårt nettverk for bedrifter og fagpersonar for å styrkje kompetansen, auke innovasjon og utvikle kontaktnettet innanfor bruk av robotteknologi.
Me har blitt nasjonal
testarena for robotteknologi!
Kompetansesenteret for Robotteknologi (KORT) er nyleg tildelt status som ein nasjonal testarena for bruk av robotteknologi. KORT ligg i hjartet av Vestlandet, og tilbyr spesialkompetanse innan robot- og produksjonsteknologi. Me hjelper verksemder med å effektivisere produksjonen, møte framtidas krav og styrkje konkurransekrafta.
Kompetansesenteret for Robotteknologi starta som eit samarbeidsprosjekt mellom Vestland fylkeskommune, Osterøy vidaregåande skule og fem av dei største produksjonsbedriftene på Osterøy – Lobas, Mjøs Metallvarefabrikk, K. Lerøy Metallindustri, Tysse og Gunnebo Anja Industrier. Målet var å styrkje yrkesutdanninga og sikre tilgang på godt kvalifiserte arbeidstakarar til verksemdene.
Senteret har sidan utvikla eit tilbod til næringslivet som dekkjer rådgjeving, kurs og kompetanse gjennom eit eige selskap. Selskapet driv og eit kompetansenettverk under utvikling. Bak selskapet står dei fem industribedriftene, Osterøy Utvikling og Industriutvikling Vest.
I september 2024 vart Kompetansesenteret for Robotteknologi AS, i samarbeid med Høgskulen på Vestlandet, utnemnt til ein nasjonal testarena innan bruk av robotteknologi og vart slik ein del av Norsk Katapult-ordninga til Siva – Selskapet for Industrivekst.
Katapulten på Osterøy er tilknytt hovudkatapulten for produksjonsteknologi – Manufacturing Technology – på Raufoss. KORT skal ha hovudfokus på Vestlandet, men òg tilby tenester til verksemder frå heile landet.
Bli med i vårt kompetansenettverk
Kompetansesenteret for Robotteknologi byggjer no eit nettverk for anvending av - og effektivisering av produksjonsprosessar gjennom - robotteknologi.
Norge har eit etterslep på bruk av robotteknologi samanlikna med mellom anna våre naboland, og me sakkar akterut. For å auke tempoet i nytting av ny teknologi, auke norske verksemders konkurransekraft og lukkast med det grøne skiftet, må vi byggje kompetanse, utveksle erfaringar og samarbeide meir enn det me gjer i dag.
Gjennom nettverket skal me dele erfaringar og kompetanse, tilby kurs og fremje innovasjon innan robotteknologi. Me ønskjer også å samarbeide og lære av andre miljø med ekspertise på bruk, integrasjon og opplæring – både nasjonalt og internasjonalt. I tillegg jobbar me for å sikre at skuleverk og utdanningsinstitusjonar utviklar relevante og kompetente arbeidstakarar for dagens og morgondagens industribedrifter.
Bli med for å sikre rett kompetanse for din verksemd og leggje til rette for rekruttering av dyktige medarbeidarar i åra som kjem.
Vil du ha nyheitsbrev og invitasjonar til samlingar?
Me har ekspertise på bruk av robotteknologi
45
års erfaring med bruk av robotar og CNC-maskinar
469
års produksjonserfaring til saman i samarbeidsbedriftene
120
robotar
5
industripartnarar
Våre industripartnarar:
Oppnå gode resultat med bruk av robotteknologi
På Osterøy har industribedriftene innan metallvareindustrien brukt robotar for å effektivisere produksjonen i snart 45 år. I dag er Osterøy truleg den kommunen i landet med høgast tettheit av robotar per innbyggjar og årsverk i industrien.
Dei fem verksemdene som står bak KORT har aleine over 120 robotar i bruk, og Osterøy vidaregåande skule har utvikla eit godt utdanningstilbod innan robotteknologi – som igjen sikrar kompetente arbeidstakarar til industribedriftene.
For bedriftene bidrar robotisering og automatisering til å skape berekraftig produksjon, lukkast med den grøne omstillinga og vidareutvikle konkurransekrafta.
Dei største industribedriftene på Osterøy har teke stadig fleire marknadsandelar i takt med systematisk automatisering og effektivisering.
Samarbeid, skreddarsydde løysingar og teknologisk innovasjon har vore avgjerande for suksessen på Osterøy. No vil me skapa løysingar for ei betre framtid saman med deg og di verksemd.
Våre samarbeidspartnarar:
Kontakt oss
Adresse:
Kompetansesenteret for Robotteknologi (KORT)
Næringssmia
Lonevågen 33,
5282 Lonevåg
Telefon: 922 45 783
Følg oss: